Annapurna Stotram Bhagwati puratana Parameswari Stavah
ōṁ annapūrṇēśvaryai namaḥ
purāṇapuranāyikē suravarēnducūḍapriyē
surāsuranamaskr̥tē kuru kr̥pāmanāthē mayi
jarāmaraṇanāśinīmadhigatās'surāṁ vai surāḥ
carācarasavitri tē caraṇasēvayaivāmarāḥ (1)
purātanapurālayapriyavihāralōlē, śivē,
purāntakamanaḥpriyē, puruṣasōdari, śrīpurē
surārikulamardini tridivavīrasanrakṣiṇi,
sphuradgurukr̥pānidhē kuru kr̥pāmanāthē mayi (2)
purāṇanigamāgamaprakarabōdhitaprābhavē,
purāṇapuruṣārcitē, śaraṇamamba tēఽṅghridvayaṁ
purāṇasukr̥tavrajaprakaṭalabdhasandarśanē,
purāṇapuranāyikē kuru kr̥pāmanāthē mayi (3)
purā kila surēśvari, tridaśaduḥkhasambhēdanē
purārimukhadēvatānicayalabdharūpāఽbhavaḥ
purāpi bhavatī satī ditijagarvanirvāpiṇī,
purātanapurēśvari, priyamayīṁ kr̥pāṁ santanu (4)
purā hi bhavatas'sutā kila viśud'dhadhāmnā bhr̥tā
surēśi bhavagēhinī suraśaraṇyapādāmbujā
girāṁ pathi na gōcarā taruṇacandracūḍāmbikā
purāṇapuranāyikā jayatu cānnapūrṇēśvarī (5)
karākalitapāyasā parakarōllasaddarvikā
suvarṇamaṇibhūṣaṇā sarasabhaktapūrapradā
sucārumukhacandradhikkr̥takalaṅkibimbāఽmbikā
surāsuranamaskr̥tā vijayatāṁ purāṇēśvarī (6)
cirantanapurēśi tē cirataraṁ vicintyādbhutaṁ
ciraṁ kila munīśvarāścaritasindhumagnāḥ paraṁ
cirādapi surāspadaṁ na khalu vān̄chitaṁ manvatē
cirārjitatapaḥphalē jaya jayānnapūrṇēśvari (7)
kalānidhikalādharē kalavilāsavāṇīguṇē
kalādharakulārcitē kalakalāraṇannūpurē
kalāpajitatārakāvalilasannitambōjjvalē
kalāpitapurāpurē jaya jayānnapūrṇēśvari (8)
kṣudhāndhajanajīvanē janani sādhusan̄jīvanē
mudhākr̥tasudhārasē budhajanais'sadā sēvitē
budhāvalinutēఽmbikē, vividhavaibhavānargalē,
vidhātr̥mukhapūjitē, jaya jayānnapūrṇēśvari (9)
mahīsurakulāyanē, kr̥tamahīsurārādhanē,
mahīkr̥tayugārṇavē, mahitabhaktadānavratē
mahīpatisamarcitē himamahīdhrapuṇyāṅkurē
mahīmukharavaibhavē jaya jayānnapūrṇēśvari (10)
Sucāruradanōjjvalatsmitalasaccharaccharvarī
karāyutasadr̥ṅmukhī tvamasi jīvanaṁ prāṇināṁ
nijōrucaritāmr̥tādr̥tajanārpitēṣṭavrajē,
purāṇapuranāyikē jaya jayānnapūrṇēśvari (11)
kr̥pāṁ kuru kr̥pārṇavē vikalamāśu kalyaṁ kuru
kalē kaluṣasantatiṁ kaluṣayāmba kalyāṇini
kulācalanikētanē kalitakukkuṭālipriyē,
purāṇapuranāyikē, jaya jayānnapūrṇēśvari (12)
vibhan̄jaya vipattatiṁ vidārayāntarāyāvaliṁ
vibhīṣaya bhayavrajaṁ gadagaṇaṁ vinirghātaya
vinirdaha vimūḍhatāṁ vikalabhāvamuccāṭaya
vipōthaya daridratāṁ jaya jayānnapūrṇēśvari (13)
sāvitri sadupāsitē sakalaniṣkalāఽఽkāriṇi,
tvamatrinayanōdbhavadyutivihāsivaktrōjjvalē
bhavitri bhavamōcini, pramadakukkuṭāmōdini,
dharitri, paradēvatē, kuru kr̥pāṁ purāṇēśvari (14)
tvamannamamitaṁ dadāsyakhiladurgatēbhyaḥ priyā
tvamamba jagatāmatastvamasi jīvanaṁ dēhināṁ
tvadantikamupētya yē tvayi vitanvatē mānasaṁ
tvamāśu vitanōṣi tānakhiladurlabhaprābhavān (15)
ramē paramahaṁ ramē tavapadābjayō ramyayōḥ
ramēta katamōఽpi vā bhavasukhē virāmārtidē
ramāramaṇapūjitē ramitarāmanāthāntarē,
ramāఽఽdr̥taguṇākarē jaya jayānnapūrṇēśvari (16)
udan̄citakr̥pābharē sukr̥tasan̄citālōkanē,
karān̄citavipan̄cikālalitagānalōlēఽmbikē
parān̄citasukān̄canajvalitakān̄cikāran̄jitē
purān̄citapurīpriyē jaya jayānnapūrṇēśvari (17)
carācaravidhāyini tvadakhilaṁ jagajjāyatē,
tvadannaparivardhitāstvayi vasanti hi prāṇinaḥ
tvamēva vilayāspadaṁ nikhiladēhināṁ caṇḍikē,
purāṇapuranāyikē jaya jayānnapūrṇēśvari (18)
tvadamburuhaḍambarapramathanāṅghriyugmaṁ vinā
janasya jagadambikē śaraṇadaṁ kiman'yadbhuvi
atastava padābjayōḥ pradiśa mē ca bhaktiṁ parāṁ
purāṇapuranāyikē jaya jayānnapūrṇēśvari (19)
tvamamba bhavabhīṣaṇaprabalabhōgivaktrādimaṁ
vimōcaya kr̥pākari pratipadaṁ tavāṅghriśritaṁ
kumāri kulapālini pramathayāśu pīḍābharaṁ
parāṇuda paraṁ bhayaṁ jaya jayānnapūrṇēśvari (20)
Śiraḥkalitacandrayā kalitadivyabhūṣāḍhyayā
samastamunivandyayā yudhi nirastadaityaughayā
anastamitabōdhayā karavarāttadivyānnayā
kayāpi karuṇārdrayā saśaraṇā vayaṁ santataṁ (21)
amandamayi sampadaṁ paridadāsi padmālayē
sumandamapi vākpatiṁ vitanuṣē girāṁ nāyikē
mukundasahajē muhuḥ kalitakālikārūpiṇi
vihansi ditijāvaliṁ jaya jayānnapūrṇēśvari (22)
prasīda jagadambikē śr̥ṇu madīyadīnaṁ vacaḥ
vipatsu śaraṇaṁ bhava praṇuda durgamāṁ durgatiṁ
purō mama dr̥śōśśivē kanakabhūṣaṇābhūṣitā
bhavāni bhava bhāsurā jaya jayānnapūrṇēśvari (23)
kadā tava padārcakaṁ himamahīdhrapuṇyāṅkurē
kimarbhaka tavēpsitaṁ kathaya sādhayāmyāśu tē
iti priyavacō madhuprakaravarṣamātanvatī
purāṇapuranāyikē mama puras'samāyāsyasi (24)
kalakvaṇitanūpurā kaṭinibad'dhakān̄cīguṇā
raṇanmaṇivibhūṣaṇā caraṇakiṅkiṇīrāviṇī
śaracchaśimukhōdgalanmadhuravādamōdapradā
purāṇapuranāyikē jaya jayānnapūrṇēśvari (25)
anantaduritakriyāఽఽcaraṇacun̄cumapyambikē
na mun̄ca tava kiṅkaraṁ paramadīnadīnaṁ śivē
vipatsu hr̥di sansmr̥tā sakalapātakadhvansinī
prasīda paripālaya praṇatamannapūrṇēśvari (26)
munīndragaṇasēvitē manujapālasampūjitē
mataṅgakulanāyikē madhumadōjjvalē mōhini
marālagamanān̄citē marakataprabhāśyāmalē
manōhari manō mama pramadayānnapūrṇēśvari (27)
idaṁ kila kr̥taṁ mayā praṇatakāmadē mōdadē
samarpitamaharpatēraṇukadīpikādānavat
purāṇapuranāyikē tava padābjayōrdīprayō-
rapāṅgaya ca māṁ sadā jaya jayānnapūrṇēśvari (28)
imāṁ nakṣatramālāṁ -
bhāradvājakulōtpannaḥ subbarāmābhidhō dvijaḥ
parāśaktēḥ pādamūlē bhūṣaṇaṁ kalpayāmyahaṁ
iti śrīsubbarāmaśarmaṇāviracitaṁ purātanapurēśvarī
bhagavatīstavaṁ sampūrṇaṁ
